Дәүләт Думасында «Бердәм Россия»дән депутат Игорь Антропенко укучыларның белемнәрен бәяләү тәртибен яңадан карау тәкъдиме белән чыкты.
Аның фикеренчә, дәрестәге эш, шулай ук сыйныфта башкарылган контроль һәм мөстәкыйль эшләр өчен генә билгеләр куярга кирәк. Бу хакта ул РИА Новости хәбәр итә.
Парламентарий фикеренчә, өй эшләрен өйрәнелгән материалны беркетү һәм дәресләргә әзерләнү өчен генә кулланырга кирәк. Бу педагогларга да, балаларына өй эшләрен эшләргә ярдәм итүче ата-аналарга да йөкләнешне киметәчәк.
Ул шулай ук өй эше өчен билгеләрнең объектив булуына шиген белдерде, чөнки еш кына биремнәрне бала үзе түгел, ә ата-аналар яки репетиторлар башкарырга мөмкин, ди ул. Аның сүзләренчә, мондый система баланың белемен түгел, ә аның гаиләсенең мәшгульлеген һәм мөмкинлекләрен бәяли.
Сүз уңаеннан, хәзерге вакытта Татарстанда “Яшьләр һәм балалар” илкүләм проекты гамәлгә ашырыла.
