МАХ мессенджеры социаль челтәр буларак танылган.
Бу хакта Россия Цифрлы үсеш, элемтә һәм массакүләм коммуникацияләр министрлыгы хәбәр итә.
Хәзер мессенджердагы каналлар, Роскомнадзор реестрында теркәлгән очракта, А+ билгесен алырга мөмкин. Шуннан соң авторлар реклама урнаштыру, хәйрия җыю мөмкинлегенә ия булачак. Моннан тыш башка каналлар аларның постларын үзләренә күчерә алачак. Министрлыкта билгеләп үтелгәнчә, социаль челтәрләрдә 10 меңнән артыграк язылучысына ия булучылар 2024 елның 1 ноябреннән Роскомнадзорда теркәлә.
Сүз уңаеннан, хәзерге вакытта Татарстанда “Белешмәләр икътисады һәм дәүләтнең цифрлы үсеш-үзгәреше” илкүләм проекты гамәлгә ашырыла.
