Казанда 1947 елда чыгарылган сирәк очрый торган ГАЗ-67 автомобилен сатуга куйганнар.
Игъланга караганда, 79 еллык машинаның йөреше нибары 2 мең чакрым гына. Хуҗасы аны 1,4 миллион сумга бәяли.
ГАЗ-67 — сугыш елларында киң кулланылган җиңел хәрби внедорожник. Ул 1941 елдан ГАЗ-64 базасында эшләнә башлаган. Проект белән баш конструктор Виталий Грачёв җитәкчелек иткән. 1943 елдан яңартылган ГАЗ-67Б версиясе серияле рәвештә чыгарылган.
Бу автомобильне ишекләр урынына уемнары булган ачык кузовы аша җиңел танырга мөмкин. Гади төзелеше һәм начар юлларда да үтеп керүе аркасында ул фронтта да, сугыштан соңгы елларда да киң кулланыла.
Кызыл Армиядә машинаны төрлечә атап йөрткәннәр: «кәҗә баласы», «пигмей», «блоха-воин», хәтта «Иван-Виллис» дигән кушамат та такканнар. Соңгысы аның Америка «Willys»ына охшаш булуына ишарәли.
Бүген мондый машиналар сирәк очрый. Шуңа күрә коллекционерлар һәм ретро-техника яратучылар өчен бу тәкъдим кызыклы булырга мөмкин.
Билгеле булганча, Татарстанда «Эффектив транспорт системасы» илкүләм проекты гамәлгә ашырыла.
