Республикада бүген бер эшсезгә 10,7 вакансия туры килә. Бу хакта «Челнинские известия» газетасына сылтама белән «Татар-информ» хәбәр итә.
Мәшгульлек хезмәтендә исәптә торучы гражданнар саны артты. Гыйнварда бу күрсәткеч 3 963 тән 4 465 кә кадәр үсте, ә апрельгә эшсезләр саны 5 003 кә җитте.
Шул ук вакытта предприятиеләрдә хезмәткәрләргә ихтыяҗ эшсезләр саныннан шактый артып китә. 2025 елның гыйнварында компанияләргә 39 110 хезмәткәр таләп ителгән, 2026 елның гыйнварында – 52 441. Узган елның апрелендә ихтыяҗ 40 281 кеше тәшкил иткән, быел – 53 648.
