Казанда яшәүче Галия Ситдикова, күлдә бата язган баланы үлемнән коткарып, Тигран Кеосаян исемендәге премиягә лаек булган.
Бу хакта RT баш редакторы Маргарита Симоньян язган. Исегезгә төшерәбез: 4 майда Казанның Авиатөзелеш районында бер малай күлдә аздан гына батмыйча калган: сулыкта кабартылган матраста йөзеп йөргән бер мәлдә, матрасы әйләнеп капланган. Галиянең машинада ире белән балык тотарга килүе булган.
Хатын-кыз малайны күрүгә шундук ярдәмгә ташланып, бичараны судан тартып чыгарган. Симоньян әйтүенчә. премия, гомерен куркыныч астына куеп, кемнәрнедер үлемнән алып калучы гади кешеләргә бирелә. Ситдикова алган премия – 12нчесе икән инде. Моңа кадәр бүләк СВОда позицияне ике ай буе берүзе саклаган хәрбигә, Санкт-Петербургтан ишегалды себерүчегә, тәрәзәдән егылып төшкән баланы тотып алган ир-атка, башкаларга бирелгән.
