Елде бес трансшекаралық хабтың құрылысы жалғасып жатыр. LS редакциясы олардың жай-жапсарын анықтады.
Сауда және интеграция министрлігінің LS редакциясының сұрауына берген жауабына сәйкес, бұл хабтардың барлығы 2027 жылға дейін пайдалануға берілмек.
Халықаралық өнеркәсіптік ынтымақтастық орталығы "Орталық Азия" – Өзбекстанмен шекарада, Түркістан облысында, "Атамекен" өткізу пунктінің жанында салынады.
Жоспар бойынша, көпфункциялы сақтау және бақылау орталығының іске қосылуы 2026 жылдың IV тоқсанына белгіленген, ал ресми ашылуы 2027 жылдың бірінші жартыжылдығында өтеді. Қазіргі таңда орталыққа резиденттер тарту жұмыстары жүргізілуде, сондай-ақ логистика, агроөңдеу және сауда саласындағы әлеуетті инвесторлармен келіссөздер жүргізілуде.
Жалпы инвестициялық портфельдің көлемі шамамен – $100 млн.
Бұған дейін, сауда министрлігі атап өткендей, аталған орталықтың инфрақұрылымын жасауға бюджеттен тыс 27 млрд теңге бағытталады. Қаражат сыртқы және ішкі инфрақұрылымға жұмсалуда.
Хоргос торабын мемлекеттік органның мәліметінше, пайдалануға берілді. Ол Қытаймен шекарада, Жетісу облысында орналасқан. Хаб құрамына "Хоргос"және "Хоргос – Шығыс қақпасы" АЭА-лары, "Нұр-Жолы" өткізу пункті, құрғақ порт және "Алтынкөл" теміржол станциясы сияқты жұмыс істеп тұрған инфрақұрылым нысандары кіреді.
Қырғызстанмен шекарадағы индустриялық сауда-логистикалық кешен Жамбыл облысында, "Қарасу"өткізу пунктінің маңында салынады. Оны іске қосу 2026 жылдың II тоқсанына жоспарланған.
"Еуразия" трансшекаралық сауда орталығы Батыс Қазақстан облысында, Орал әуежайы аймағында құрылады. Бұл хаб Ресеймен шекаралас болады және оны іске қосу 2025 жылдың III тоқсанына жоспарланған.
Орталық солтүстік елдің шекара маңындағы өңірлерімен ынтымақтастық орнатуға бағытталады. 30 млн адамды қамту жоспарланып отыр. Бұл нысан Шығыс Еуропа елдерінің нарығына шығуға әлеуетті.
Каспий торабы Маңғыстау облысындағы "Ақтау теңіз порты" АЭА-ның қолданыстағы инфрақұрылымы базасында 2026 жылдың үшінші тоқсанында іске қосылады. Ол Қазақстанды Әзербайжан, Түрікменстан, Ресей және Иранмен байланыстырады.
Сауда министрлігі жобалау, құрылыс-монтаж және инвестициялық жұмыстардың қарқынына байланысты іске асыру мерзімдері өзгеруі мүмкін екенін нақтылады.
Бұл ретте ведомство мәлімдегендей, аталған көпфункциялы трансшекаралық хабтар тауарлардың сақталуын және қоймалық өңделуін қамтамасыз етеді. Өнім қапталып, таңбаланып, бөлшектеледі. Аумағында экспортқа бағытталған өндірістер ашылады.
Бұған қоса, "Солтүстік- Оңтүстік", "Батыс Еуропа- Батыс Қытай" және басқа да негізгі халықаралық сауда маршруттарына қатысу кеңейтіледі.
Хабтар сыртқы сауда көлемін ұлғайтып, шекаралас аймақтардағы шағын және орта бизнестің өркендеуіне септігін тигізеді, экспортты әртараптандырып және басқа да оң өзгерістерге жол ашады.
Бұған дейін, LS редакциясы Астананың Вашингтонмен сауда тарифтері бойынша келіссөздер жүргізіп жатқанын хабарлаған болатын.
